|
Mga Bible Students Sa Pilipinas
Nagatuo sa umaabot nga “pagpasig-uli pag-usab sa tanang butang.”
|
“Sanglit ang kamatayon pinaagi man sa usa ka tawo, ang pagkabanhaw sa mga patay pinaagi usab sa usa ka tawo. Kay ingon nga diha kang Adan ang tanan nangamatay, sa ingon usab diha kang Kristo ang tanan pagabuhion.” 1 Corinto 15:21, 22
|
Kinsa Ang Mga Bible Students Sa Pilipinas?
Ang Dawn Bible Students Nga Ecclesia sa Pilipinas maoy usa ka independente nga grupo ug dili sakop sa unsa mang denominasyon. Ingon nga mga Bible Students among ginasunod ang panig-ingnan sa mga taga Berea sa pagbasa ug pagtuon sa Bibliya kada adlaw.
“Kay ila mang gidawat ang pulong uban ang tumang kaikag sa hunahuna, nga sa adlaw-adlaw maampingong nagasusi sa Kasulatan kung tinuod ba kining mga butanga.” Buhat 17:11
Nagatuo kami nga si Jesus namatay aron tubson kita gikan sa sala ni Adan ug sa silot nga kamatayon. Matud pa sa Bibliya: “Tuyo sa Diyos nga ang tanang mga tawo luwason ug makahibalo sa kamatuoran.” 1 Timoteo 2:3-6. Nahimo kini tungod sa kamatayon ni Kristo sa krus. Ang iyang kinabuhi mao ang eksaktong kantidad ingong bayad sa pagtubos kanato.
Ang tanan nga ginatudlo namo gikan sa Bibliya. Amo usab nga gigamit ang unom ka libro nga gitawag ug “Studies In The Scriptures” nga gisulat ni Pastor Charles Taze Russell gikan niadtong tuig 1896 hangtud sa tuig 1904.
Dugang pa, ang kadaghanan sa among mga basahon nagagikan sa Dawn Bible Students Association sa United States of America. Kining maong asosasyon maoy gilangkuban sa mga nagakahiusang mga grupo sa tibuok kalibutan. Pag gahin ug pipila ka gutlo aron bisitaon ang Dawn Library.
Nagalaom kami nga makakutlo kamo ug daghang panalangin gikan sa dugay nang mga kamatuoran nga anaa sa Kasulatan. Mao kini ang hinungdan kon nganong padayon kaming nagaampo: "Umanhi unta ang imong gingharian…”
|
Ang Among Istorya---Sa Unsang Paagi Kami Naingon Niini
Samtang nagasangyaw sa mga balay ingon nga regular Pioneer sa Mahaplag, Leyte niandtong tuig 1982, si Agripino Polistico nakadawat ug usa ka Dawn Magazine gikan sa usa ka Pentecostal nga babaye nga iyang gisangyawan. Ang babaye usa kada bulan nga nakadawat ug Dawn Magazine gikan sa America. Nahikurat ug dako si Brother Agripino sa iyang paghibasa sa Dawn Magazine tungod kay iyang nakita nga gi-“advertise” ang unom ka librong “Studies In The Scriptures” sa maong magazine.
Nahibalo na siyang daan nga ang nagsulat niining maong mga libro mao si Pastor Charles Taze Russell. Iyang na-diskobre nga nagalungtad pa diay ang mga Bible Students!
Nagsugod siya ug sulat sa Dawn Bible Students Association sa United States ug nakadawat usab siyag mga libro ug mga Dawn Magazine gikan kanila. Nagustuhan niya ang iyang nabasa ug gusto niyang magtuon uban sa mga Bible Students.
Niadtong tuig 1986 si Brother Agripino mibalhin pagpuyo sa Manila. Sa didto na siya sa Manila nakapaminaw siya sa programa sa Radio nga giatawag ug Frank and Ernest kada alas 7:15 sa buntag matag Domingo. Padayon siyang misulat sa Dawn Bible Students Association sa America hangtud nga midesisyon siya pag gawas sa Saksi Ni Jehova nga grupo niadtong tuig 2002. Wala madugay, nagsugod siya pag organisa ug grupong Bible Students.
Sa Pagkakaron adunay upat ka gagmayng ecclesia sa mga Bible Students sa Pilipinas (Manila, Siargao Island, Leyte Island, ug Cebu Island). Ang matag ecclesia maoy independente sa iyang kaugalingon. Ilang ginadumala ang pagpauswag sa ilang tagsa-tagsa ka grupo ug walay kapupugdan nga nagadikta kanila ug unsay angay buhaton. Ang paagi sa ilang panagkatigom ug pagtuon sa Bibliya susama gayud sa paagi nga gigamit sa naunang mga Bible Students niadtong mga katuigang 1800.
Asa Man Makita Ang Mga Bible Students
Ang mga Bible Students atong mgakita sa daghang kanasuran sa kalibutan. Wala kami makahibalo ug pipila kaming tanan, pero adunay nag-ingon nga basig 10,000 lamang; ug matud pa sa uban mga 30,000. Kun tinuod kini, ang among grupo maoy usa sa kinagamyang Kristiyanong grupo sa kalibutan karon. Ang mga Bible Students wala pugsa aron mangumberti. Ang ila lamang ginahimo mao ang pagpakig-ambit sa ilang pagtuo sa personal nga pakig-istorya, sa news papers, sa internet, programa sa TV ug Radio, pag diskurso sa mga plaza ug uban pa. Bisan pa niini, wala gayuy espesyal, o organisadong paagi ang gihimo aron mangumberti. Libre-gusto lamang ang kada tawo kun iya kining buhaton ug dili. Ang mensahi amo lamang nga ipakig-ambit; ingon ra niana ka simple. Bahala na ang mga tawo ug motuo sila o dili.
Ang Among Kalambigitan
Alang sa kasayuran sa publiko, ang among grupo sa Manila konektado sa Dawn Bible Students Association sa East Rutherford, New Jersey, U.S.A. Ang Dawn maoy usa lamang ka bahin sa daghang grupo sa mga Bible Students sa daghang nasud sa yuta. Sa dihang namatay si Pastor Russell, ang nahimong ikaduhang presidente sa Watchtower Society mao si J. F. Rutherford. Ang mga Jehovah’s Witnesses karon wala mahibalo nga ang mga Bible Students nga padayon nga nagasunod sa mga gitudlo ni Pastor Russell aktibo pa gihapon karon ug nagakatigom kada Domingo ug sa uban pang mga adlaw. Makit-an kining maong mga grupo sa America, Australia, Canada, Poland, England, Scotland, Ireland, Netherlands, Ukraine, Moldova, Romania, Italy, France, Russia, Japan, India, Greece, Spain, Pakistan, China, daghang nasud sa Africa, sa Pilipinas, ug uban pa.
Kon gusto pa ninyo ug dugang kasayuran, mahimo ninyo kaming kontakon. Ang among mga grupo dili negosyo ug dili kami mangayo ug donasyon.
Asa Man Kami Nagakatigom
Aduna kamiy house-chapel sa Manila nga gipanag-ya sa among igsoon sa pagtuo ug ka-duha ka beses kami nga nagakatigum sa maong balay aron magdinasigay, magtuon sa Bibliya, mag-awit ug mga himno nga kaniadto pa, magabasa sa Bibliya ug magpaambitay sa among mga eksperiyensiya. Kanunay usab kami nga nagtan-aw sa mga DVD ug mga pelikula nga nagakigan sa mga Bible Students sa U. S. A. Bisan ug daw susama ang among mga sa doktrina sa mga Saksi ni Jehova, aduna usab kamiy daghang kalahian sa ila. Kaming Bible Students mahimong magpa-abuno ug dugo. Mahimong mosaludo sa Bandera, wala did-i nga mosaulog sa Pasko, birthday, ug uban pa. Lahi usab ang among mga pamaagi sa panagkatigom kay sa ilaha.
|
|
Importanteng Pahinumdom
Ang mga Bible Students dili sanga sa Jehovah’s Witnesses.
Bisan pag aduna gayud kamiy daghang parehas nga doktrina sa doktrin sa mga Saksi Ni Jehova, wala namo kini makuha gikan kanila.
Sa dihang si J. F. Rutherford milingkod ingon nga Presidente sa Wathctower Bible And Tract Society human sa kamatayon ni Pastor Russell, daghan siyag giusab nga mga doktrina. Dinhi nagsugod ang pagkabahin-bahin. Kadtong gustong misunod kang Rutherford midawat sa pangalang Mga Saksi Ni Jehova niadtong July 1931, ug kadtong wala modawat sa mga kalainan sa doktrina nagpabiling Bible Students hangtod karong adlawa.
|
Ang Among Ginatuohan
Nga Maoy Tin-aw Nga Ginatudlo Sa Bibliya
Si Jesus namatay ingon nga lukat alang sa tanan. 1 Timoteo 2:3-6. Nagapasabot kini nga ang tanang tawong patay karon mabuhi pag-usab tungod kay matud pa sa Bibliya, “Kay maingon nga diha kang Adan ang tanan nangamatay, maingon man usab diha kang Cristo ang tanan mangabuhi.” (1 Corinto 15:22) Nagapasabot kini nga ang pagkabuhi pag-usab sa mga patay maoy dili resulta sa kon unsa man ang atong nabuhat, kondili tungod kay gitagana gayud kini ni Kristo kanato. Siya mao ang bili nga lukat alang kang Adan, o eksaktong kantidad, ug iyang gibayaran ang maong kantidad alang kanato.
Nagapasabot ba kini nga ang tanan unyang binanhaw nga patay dinhi sa yuta sigurado na gayud nga hatagan ug kinabuhing dayon mismo sa adlaw sa ilang pagkabanhaw?
Dili. Lukaton sila ni Jesus, o, luwason sila ni Jesus gikan lamang sa ilang unang kamatayon. Kini maoy libreng gasa sa Dios. Sa panahon sa ilang pagkabanhaw, tudloan sila ni Jesus sa kamatuoran ug iya silang lamdagan. (Isaias 2:1-4) Mao kini ang panahon nga sila pagahukman ug sulayan. Kon magmadaugon sila sa pagsulay, padayon silang mabuhi ug makab-ot nila ang kinabuhing walay katapusan dinhi sa yuta. Kon sila mapakyas, mamatay sila sa “ikaduhang kamatayon” sama gayud sa giingon sa Bibliya. Kadtong magmadaugon sa mga pagsulay, “mawala na ang kamatayon, kangutngot, sakit, paghilak; tungod kay ang unang mga butang nangagi na.” (Pinadayag 21:3, 4)
|
♦ Nagatuo kami nga ang matuod nga Dios mao si Jehova. (Salmo 83:18) Siya lamang ang Gamhanan Sa Tanan.
♦ Nagatuo kami nga si Jesus namatay sa krus ingon nga lukat alang sa tanan. Unsa may buot ipasabot niini? Nagapasabot kini nga, ingon nga resulta sa kamatayon ni Kristo, ang tanang patay mobangon sa ilang mga lubnganan sa gitagal nga panahon. (1 Corinto 15:22) Ang Bibliya ngagaingon: “Pagalukaton ko sila gikan sa gahum sa Sheol; pagatubson ko sila gikan sa kamatayon.” (Oseas 13:14)
♦ Nagatuo kami sa duha ka kaluwasan; langitnon ug yutan-ong kaluwasan. Ang unang luwason pagadad-on sa langit ug ang uban magapuyo sa yuta. (Juan 14:1-4; Isaias kapitulo 35 ug 66; Mateo 6:9)
♦ Ngatuo kami nga ang umaabot nga milenyo maoy panahon sa pagpasig-uli sa tanang butang. (Buhat 3:19-23) Tudloan sa Diyos ang tanang tawo sa kamatuoran. (Isaias 2:2-4) Ang kamatuoran magatabon sa tibuok kalibutan ug ang tanang tawo malamdagan. (Isaias 11:9; Jeremias 31:34)
♦ Human sa milenyo, wala na unyay mga luha, wala nay kasakit, wala nay mga pag-antos ug wala nay kamatayon. Ang tanang mga butang maoy mga butang sa nangagi. (Pinadayag 21:3, 4)
♦ Wala kami magatuo nga ang mga tawong dili magbasol sakiton sa linaw nga kalayo. Tin-aw nga nagaingon ang Bibliya: “Sa abog ka gikan ug sa abog usab ikaw mopauli.” (Geneses 3:19) Inay kay kalayo, kini maoy lubnganan lamang, ug inay kay pagsakit, kini maoy kamatayon lamang. Sa laktud, ang tanang mga sad-an yanong mamatay lamang ug ilubong sa lubnganan. (Geneses 2:16, 17)
♦ Nagatuo kami nga si Jesus adunay sinugdanan ug gitawag siya sa Bibliya ingon nga ang panganay sa tibuok nga kabuhatan. (Colosas 1:15; Proverbio 8:22-30; Pinadayag 3:14) Sa pag-ingon sa Bibliya nga “panganay sa tibuok nga kabuhatan,” tin-aw kaayo nga si Jesus gilalang o gimugna. Dili si Jesus mao si Jehova tungod kay si Jesus dili mao ang Amahan kondili anak sa Amahan. (Mateo 16:16) Ingon nga anak, dili siya tupong ni Jehova. Si Jehova labaw pa kang Jesus. (Juan 14:28)
♦ Wala kami magatuo sa Trinidad tungod kay ang pulong Trinidad dili nato makita sa Bibliya. Nagatuo kami nga aduna lamay duha ka persona, dili tulo. Kining maong duha ka persona mao ang Diyos nga Jehova ug si Ginoong Jesus. (Buhat 7:56) Nagaingon ang mga Trinitarian nga si Jehova ug si Jesus kuno tupong ug gahom ug parehong walay sinugdanan. Dili kini tinuod tungod kay si Jesus mismo nag-ingon nga ang Amahan labaw pa man kay kanako. (Juan 14:28; 1 Corinto 11:3)
♦ Wala kami magatuo nga ang tawhanong kalag dili mamatay. Ang Bibliya nagaingon nga ang kalag mamatay. (Ezekiel 18:4) Sa dihang mamatay ang tawo, mahanaw usab ang iyang panimuot. (Ecclesiastes 9:5, 10)
♦ Wala kami magatuo nga ang Diyos modapig lamang sa usa ka organisasyon (o relihiyon). Si Jehova walay pinalabi. Iyang dawaton ang si bisan kinsa nga nagatuo. (Roma 2:11; Juan 3:16)
Gusto namo nga ipatin-aw nga dili kami mga Universalista. Mga Bible Students kami.
|
|